• Welkom op de Remunjse website van

    Gerard Nizet

    Nederlands
    Engels
  • Laevesbesjrieving Motivaasie en Ekspesisies

    Laevesbesjrieving

    Gerard Nizet (Remunj 1950) teikentj, sjildertj en illusjtreert in eine saort van Kartoensjtiel.

     

    Hae sjtudeerdje Sosjale Geografie en later Algemeine Ekonomie, waar eine hele tied leraar in Aardrijkskunde en Ekonomie op middelbare schjole, maar trôk auch in de richting van teeater en drama, zo waal op schjool als auch dao boete, es sjpeler, kootsj en regisseur.

     

    Later sjtudeerde hae nog kunsgesjiedenis en ging hae sjilderen, teikene en illustrere.

     

    Gerard woondje en werkdje in Noord Braobantj en Utreg, mer sinds mei 2016 woontj hae weer in zien geleefdje gebaortesjtad Remunj aan Maas en Roer, in ’t midde van de provincie Limburg.

    Dao woontj hae same mit ziene partner Leslie Zitter.

     

    Motivaasie

    Gerard teikentj neet allein landsjappe en sjtadsgezichte.

    Hae plaatsjt de Miens in ’t middelpuntj van zien werke.

     

    De miens, soms vervraemdendj, grotesk en eigelik sjpeler in ein toneelsjtök, twee-dimensionaal in dit geval.

     

    Döks litj Gerard ziene Rooms Katholieke achtergrondj oet de vieftig en zestiger jaore zeen, mit eine breije glimlach, aaf en toe ein bietje bizar.

     

    Hae lötj auch eine zekere sosjale empaatie zeen door eine indruk te gaeve van sosjale kontraste, meistal kleurrijk en blie.

     

    Ekspesisies

    Gerard eksposeert momenteel in Remunj in restaurant/brasserie de Pastorie, galerie Podium aan de bekkersjtraot en aaf en toe auch in etelaasjes van winkels. Noe onger angere bie Slenders…veur alles Waat sjrief, in de kloosterwandsjtraot. Regelmaotig leut hae zien werk zeen in Galerie Het Achterhuis in de Veursjtad en duit hae same mit Leslie Zitter (bekind om zien vögelsjilderiekes) mit aan kunsmerte in de Maasgouw en in de veursjtad in Remunj.

    Gerard haet same mit Marianne Wulms-Hovens de kunzklup Remunj opgerich, ein óm de zeve waeke same kunz makende groep miense in ’t Witte Kerkske, auch in de Veursjtad. Hae neudigt uch oet om dao ins vrieblievend ein kiekske te kómme naeme. Missjien auch get veur uch? Sinds september 2017 göf Gerard vriewillig ein maondelikse teikenwörksjop in ’t Toon Hermans Hoes in Remunj.

    Es leefhöbber van vastelaovendj meukt hae illustraasies veur o.a. Dn Uul, de Veldjmuus en esse hem vraoge auch veur de Kaketoes en anger vögel of vastelaovesdere in de buurt. Aafgelaupe tied is dr bezig veur de nuuj vastelaovesinvulling in Neel….de Vastelaoves Villaasj.

  • Ketak

    Adres:

    La Bonne Aventure 75

    6041 MD Roermond.

     

    Telefoon:

    06 22 96 54 01

     

    Stuur mij een e-mail

    Email

    Facebook