Ekspesisies

Gerard eksposeert momenteel in Remunj in restaurant/brasserie de Pastorie, galerie

Podium aan de bekkersjtraot en aaf en toe auch in etelaasjes van winkels. Regelmaotig

leut hae zien werk zeen in Galerie Het Achterhuis in de Veursjtad en duit hae same mit

Leslie Zitter (bekind om zien vögelsjilderiekes) mit aan kunsmerte in de Maasgouw en

in de veursjtad in Remunj.

Gerard haet same mit Marianne Wulms-Hovens de kunzklup Remunj opgerich, ein óm

de zeve waeke same kunz makende groep miense in ’t Witte Kerkske, auch in de

Veursjtad. Hae neudigt uch oet om dao ins vrieblievend ein kiekske te kómme naeme.

Missjien auch get veur uch? Sinds september 2017 göf Gerard vriewillig ein maondelikse

teikenwörksjop in ’t Toon Hermans Hoes in Remunj.

Es leefhöbber van vastelaovendj meukt hae illustraasies veur o.a. Dn Uul, de Veldjmuus

en esse hem vraoge auch veur de Kaketoes en anger vögel of vastelaovesdere in de

buurt. Aafgelaupe tied is dr bezig veur de nuuj vastelaovesinvulling in Neel….de

Vastelaoves Villaasj.

Gerard göft döks wörksjops, hae maakte ein kleurbook euver de binnesjtad van

Remunj en dit jaor kumpt ein nuuj kleurbook oet euver de ómgaeving van Remunj.

Hae reageert sjteeds meer in teikeninge op de aktualiteit.